لاجيت ابنسى واتراجع واسامـــــحك
صاحن جروحي واشتكن لي طعونك!!
كلك خيانه قول وشلون ابمنحــــــــــك
وش موقفك من شخص دايم يخونك!!
اكبر خطا..لوجيت يمك لصالحــــــك
اول تحول لاتغـــــــــــرك .. الحونك
للي تقوله صح لوكنـــــــــــت جارحك
((مير))انت غارق للاسف في ظنونك
وصفك نسيتــــــــه بس..باقي ملامحك
بنهيك وانهي بالنـــــــــــهايه ..جنونك
ماتستحق امد كفــــــــــــي واصافحك
مثلك غلط عــــــمري وابحيا ..بدونك
كنت اعتقد قلبـــي هو ابرز مطامحك
اللي يبيع الناس ..لجله يصــــــونك
تعبت اسوق الشوق يمك واصارحك
اخلصت لك بالحب شوفت عيونــك
لكن خسارة صرت غاية مصالحك
ياليتني ماجيت لحـــــــــظه..بكونك
بلامس كنت بنشوة الحب ..امازحك
اخيل برقك واتحـــــــــرى امزونك
واليوم من صفحة حياتـــي ابمسحك
هديت صرحك ثم طاحــــت ركونك
ولابي عيوني لوتصــــورت تلمحك
اعلنت موتك..وانسجـــن لي كفونك
وان جيت تطلب ترجيني ..اسامحك
بهديك طعنه ..من بقايا ..طعونك
