ياللي تمد لسان اطول من السير ## ترا البشر ماهي من الالسن تقاس

ياللي تمد لسان اطول مـن السيـرترا البشر ماهي من الالسن تقـاس

للهرج عند الناس مقصـد وتبريـرواللي يزيد الهرج ناقـص وهـلاس

اصمت قبل تجنـي عليـك التعابيـرالناس دون حقوقها توجـع النـاس

ولسانك اليا طـال يبشـر بتقصيـراقرب ولالك عندنا غيـر الامـواس

لو ان هرجـك ضايـع ودون تأثيـروالضايعه من تحت الاقـدام تنـداس

انا ادري انك تهرج بـدون تفكيـرولا لحقنـي منـك شكـه وسـواس

الشـك مايلحـق رجـالَ مناعـيـريلحق ضعيف الراس وضعيف الساس

وانا احمدالله راس مع ساس مع خيروالبس من لباس اهل النخوة لبـاس

لكـن ابعلمـك لاصــرت ياطـيـرتومي بجنحانك مـع كـل نسنـاس

لاتزعل اهل الحـق ياناقـر الزيـرثم" يذكونـك مـن رقبتـك بفـاس

قدمك رجال العرف مع سالـم الزيـرلاترتكب غلطـه وتبلـش ياجسـاس

وتصير ضحكة وقت لكبير وصغيـروعلومك توزع مـع كـل عسـاس

هذا كلامي وانت فكـر وش يصيـرلاصرت لقمه بين نيبان واضـراس

خذها نصيحـه وانتظـم فالطوابيـرلو كان ماتستاهل انصحك باحسـاس

قبـل النصايـح تنشـرا بالدنانيـرواليوم تنثر نثرة الما مـن الكـاس