تدري وش الي يذبح القلب اني اشوف الكذب بعينك واصدقه

في هالزمان الغريب صار الكذب شي عاده
حتى العذر ماهقيته أقبح من اللي سمعته
من خان صدق المشاعر لا عاش درب السعاده
واللي نساني نسيته والصدق دربٍ شرعته
توك صغيره بزماني والليل كايد سواده
وإنتي ندم في حياتي دام الغدر لي جمعته
مسكين قلبك جهلني جاحد وحقق مراده
والصمت حكمه خذيته للحزن قلبي وضعته
دمتي على الكذب خيبه والجرح ينزف زياده
يمكن تطول المدامع لأن قلبي خدعته
والوقت يكشف حياتك والعقل أكبر شهاده
والخافي أعظم لقيته وحبل الوصل بك قطعته
وإنتي وطن للخيانه والنار يبقى رماده
وكل اللي بيني وبينك ما ينشرى يوم بعته
ولا جيتي دربي رثيتك صرتي بقلبي نكاده
وأضحك على الكذب يومه جاني وطبعك منعته
ودرب الندم من عرفتك ياهي حياة القراده
ياليت كلمة حسايف تنفع وجرحي نزعته
وهذي نهايه وبدايه كلٍ يعيش بعناده
وياللأسف في حياتي كاذب وذنبي تبعته

قمة في الروعة
تلومني فيك يعطيك العافيه
تحياتي

» عقوبة الكذب عند النمل